"Sjøhesten Hippo og Plasten i Havet" av Ina Giske

Bli med på ei eventyrleg reise under vatn!

Livet i havet er magisk, mystisk, heilt fantastisk, og kan trollbinde både liten og stor. Diverre er det noko som truar havet og dei som bur der: Plast og anna søppel.

I boka "Sjøhesten Hippo og plasten i havet" møter vi sjøhesten Hippo som blir kasta ut på ei skummel, men også lærerik ferd i havet. Dette er ei historie om samarbeid og vennskap på tvers av art, men mest om utfordringane plasten i havet skapar for dei som bur der. 

Ei bok for alle som er glad i havet.

     

kr 299,00
Please select variants first

Høgtlesing er som tran i bokform (men utan den vonde smaken)

Høgtlesing gir barna meir enn ei koseleg lesestund, her er eit lite utvalg:

  • Høgtlesing stimulerer språkutvikling
  • Høgtlesing gir betre ordforråd 
  • Høgtlesing opnar for samtalar og refleksjon
  • Barn som blir lest for blir sjølv betre lesarar
  • Høgtlesing er med på å øve opp evna til å leve seg inn i andre sin situasjon

Spesialpedagog, naturelskar og haventusiast

Ina Giske har alltid elska havet. Det var heilt naturleg at ho skulle skrive ei barnebok om livet og plasten i havet. Ho har bakgrunn som spesialpedagog, har vore lokalpolitikar i fleire år, og engasjert seg i kampen mot marin forsøpling. Alt dette kjem godt med når ein skal skrive om eit sopass vanskeleg tema -attpåtil for eit krevjande publikum!

Målgruppe: 6-10 år (eller alle som er glad i havet)

Barn er ulike. Nokon knekk lesekoden kjapt, andre brukar lenger tid. Nokon elskar å lese, andre vil heller klatre i tre. Barn er like forskjellige som vaksne. Vi har allikevel tenkt at boka skal passe for barn i småskulen, men ho kan sjølvsagt heilt fint lesast av både eldre og yngre. (Eigentleg målgruppe: 0-100år) 

Lettlest font

Fonten vi har brukt i boka heiter Dyslexie, og er spesielt utvikla for å gjere lesing og læring litt lettare for dei som har ei eller anna form for skrive- og lesevanskar. I tillegg har vi lagt inn litt ekstra luft i teksten. Dette gjer at boka egnar seg godt til lesetrening, også for dei som finn lesing tungt.

Fargerike illustrasjonar fangar interessa

Børge Sandnes er mannen som har gitt liv til karakterane. Heile boka er illustrert med fargerike illustrasjonar som utfyller teksten på ein fin måte. Miljøet og figurane er det Børge sjølv som har teikna, men plasten er foto av ekte plast som Ina har funne i fjøra. Ho kan mest sannsynleg fortelje historia bak kvar plastbit! Fargane og dei artige figurane gjer historia lettare tilgjengeleg og meir interessant også for dei minste lesarane. Med litt tilrettelegging kan boka fint brukast heilt ned i barnehagealder. 

Våte spørsmål og salte fakta

Etter historia er det kanskje mange spørsmål som dukkar opp, eller ein har behov for å snakke om dette store, litt vanskelege temaet. Då er det fint å bla vidare til del 2 i boka. Del 2 inneheld nemleg spørsmål og svar frå boka, noko som vil gjere det lettare å samtale om temaet etter lesing. Vi har også inkludert ein faktadel der ein lærer meir om problematikken rundt plast i naturen, og kva ein kan gjere sjølv. 


ISBN: 978-82-93666-01-1

Forfattar: Ina Giske

Illustratør: Børge Sandnes

Sider: 76

Utgåve: 1. utgåve

Innbinding: Hard cover


Porto kr. 49,- uansett ordre.