Nettbutikk

Når du handlar med Knasteriet, støttar du ei bittelita bedrift og ein stor draum

Ny bok - denne gongen for voksne

Det har vore stille frå Knasteriet ei stund, men no brakar det laust med ny bok. Denne gongen gir vi ut ei diktsamling for voksne.

Gløymde fotefar og andre dikt av Arne O. Storås

Ei trutna skrivebordsskuffe skulle vise seg å skjule ein skatt. Ein skatt med personlege, såre og nære tekstar, alle saman sirleg nedskrivne av Arne O. Storås.

Arne O. Storås (1908-2002) frå Eidsdal var gardbrukar heile sitt liv, men poet i hjartet. Fleire år etter at Arne var gått bort, dukka dikta hans opp under ei vårreingjering på garden.

I denne samlinga finn du eit utval av dikta familien fann denne vårdagen i Eidsdal.

Les meir

Barnebok om plasten i havet

Bli med på ei eventyrleg reise under vatn!

Livet i havet er magisk, mystisk, heilt fantastisk, og kan trollbinde både liten og stor. Diverre er det noko som truar havet og dei som bur der: Plast og anna søppel.

I boka "Sjøhesten Hippo og plasten i havet" møter vi sjøhesten Hippo som blir kasta ut på ei skummel, men også lærerik ferd i havet. Dette er ei historie om samarbeid og vennskap på tvers av art, men mest om utfordringane plasten i havet skapar for dei som bur der.

Ei bok for alle som er glad i havet.

Forfattar: Ina Giske

Illustratør: Børge Sandnes

Les meir